تسجيل الدخول

10 نصائح لتمضية اوقات الفراغ
أول شي لازم تعرف هل فعلا عندك وقت فراغ ؟ أو انك أنت اللي مؤجل اعمااالك؟
إذا عندك وقت طويل.. فاضي وتحس فيه بالملل.. سوي الأشياء التالية .. وإذا كنت من طلاب المدارس اختر ما يناسب وقت مذاكرتك…
1. ادخل غرفتك و طالع "هل فيها شي ممكن تغير مكانه ؟ وغيره مثلا بادل مكان الصورة ومكان الساعة أو مكان الكمبيوتر حتى مكان السرير إذا حبيت < << هذي طريقة ينصح بها أطباء علم النفس تريح الأعصاب .
2. خصص يوم لزيارة الأرحام الجد أو الجدة أو العم أو الخال أي احد >> اختر يوم في الأسبوع أو الشهر عادي حسب استعدادك منها تتمشى ومنها تطيع ربك وتصل رحمك وهذا بيقوي علاقتك فيهم كثير "إن شاء الله " .
3. اكتب قائمة بالأشياء اللي تحتاجها من السوق واتفق مع صديق عزيز وانزل السوق وخذوا فتلة فالمحلات وحاول تشتري الأشياء المدونة في القائمة فقط >> الالتزام بالقائمة صعب بس فيه حفظ للمال .
4. عندك هواية ؟ يمكن تكون موهبة من الله نميها مارس هوايتك وسوي مقارنة بين أعمالك وتفادى الأخطاء اللي تقع فيها >>>ممكن تستشير أصدقائك أو أخوانك أو والديك فأعمالك وشوي شوي تصير فنان " وأنا أول المعجبين بأعمالك والمطالبين بتوقيعك " .
5. هذي الفكرة أنا أحب أسويها في أيام العطل اختار مجموعة من أصدقائك دق عليهم واعزمهم اختر العدد اللي يناسبك >>> وبهذي الطريقة تقوى صداقتكم وفي نفس الوقت تتسلون مع بعض وإذا حبيتوا طلعوا للبر واقضوا يومين أو يوم أو نص يوم حسب أوقات فراغكم .
6. أو انزل السوبر ماركت واشتر مستلزمات المطبخ أو البيت وكذا تساعد اهلك وتمضي وقتك .

7. وفي شي حلو أنصحكم فيه اشتر تقويم السنة الميلادية من اللي تتعلق فالجدار واكتب تواريخ ميلاد الناس الجريبين منك عليها واليوم اللي يصادف عيد ميلاد واحد منهم انزل اشتري له هدية بسيطة جدا او بطاقة حلوة وخذ معاك كميرا وصور ردة فعله وجمع الصور فألبوم خاص .
8. اعزم اهلك على العشاء أو الغداء برى البيت أو جيبه داخل البيت عربون محبة وامتنان أو ادخل المطبخ وساعد فتحضير الأكل وصدقوني هذي لفته واايد حلوة
9. اختار كتاب موضوعه شيق وحلو ودائما اختار موضوع مسلي ومفيد في نفس الوقت عشان تتسلى وتستفيد من وقتك مرة وحدة.
10. في ناس >>> أولهم أنا يحبون مشاهدة الأفلام اشتري فلم كوميدي أو أي فلم تحبه خذ معاك مكسرات وعصير واعزم أي احد من داخل البيت أو من برى وطالعوه مع بعض .






اتمنى ان تعجبكم
تحياتي.....